På vegen!

I denne oppgåva skal du vurdere risiko ut frå nokre grafar som viser statistikk om trafikkulykker på norske vegar. All statistikk i oppgåva er henta frå Statistisk sentralbyrå 5. desember 2022.

Før du les vidare, skal du tenkje litt over kor risikabelt det er å bevege seg i trafikken, som fotgjengar, syklist eller passasjer i bil. Kor sannsynleg er det at du vil bli involvert i ei trafikkulykke?

Diagrammet viser kor mange personar frå 0 til 19 år som var involverte i trafikkulykker med personskade i 2021.

• Kva legg du merke til i diagrammet?
• Kan du tenkje deg kvifor søylene har så ulik høgde?

I tabellen ser du kor mange personar det var i kvar aldersgruppe i 2021.
Korleis påverkar denne statistikken det du tenkjer om kor risikabelt det er å ferdast i trafikken?

Diagrammet nedanfor viser kor mange personar frå 0 til 19 år som var involverte i trafikkulykker i 2021, fordelte etter kjønn og skadegrad.

• Korleis er søylene for jenter og gutar samanlikna med kvarandre?
• Korleis er søylene for dei ulike aldersgruppene sammenlikna med kvarandre?
• Kan du kome på nokre forklaringar på det du observerer?
   

Sektordiagrammet viser prosentvis fordeling av personar i alderen 0–19 år som var involverte i trafikkulykker i 2021, fordelte etter transportmiddel og skadegrad.

• Kan du ut frå diagrammet seie noko om kva som er den mest og den minst trygge transportmåten for å unngå trafikkulykker?
• Kva annan informasjon må du ha for at du skal kunne ta eit velinformert val om kva som er mest og minst trygt?
• Er det andre faktorar som kan påverke kor risikable dei forskjellige transportmåtane er?