Varmluftsballongen
Aktivitet
Kor mykje luft er det i varmluftsballongen?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Støtte
La elevane få tid til å tenkje sjølv før du kjem med hint.
- Kva slags form har ballongen?
- Kor stor kan ballongen vere?
- Kor stor kan mannen vere?
Skriv gjerne ut bilete av varmluftsballongen til alle gruppene (vedlegg).
Henta frå Herget, W. (2000). Ein Bild sagt mehr als 1000 Worte. https://disk.mathematik.uni-halle.de/lehrerseite/bild_1000_worte.pdf
Ressursen er utviklet av Matematikksenteret