Økonomiske råd
Aktivitet
Maja bur i Oslo og går siste året på vidaregåande skule. Til hausten skal ho studere.
Ho har lyst til å søkje på 5-årig lærarutdanning på desse studiestadene:
- NTNU, Trondheim
- Universitetet i Bergen
- Nord universitet, Bodø
Ho synest at alle utdanningane og stadene verkar spennande, men treng di hjelp til å vurdere det økonomiske aspektet. Ho vil bu på hybel i nærleiken av studiestaden.
Kva studiestad vil du tilrå Maja å velje?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Gode rettleiingsspørsmål
- Hvilke utgifter vil Maja få?
Mogleg støtte
La elevane få tid til å tenkje sjølv før du kjem med hint.
- Kor store kan utgiftene vere?
- Nødvendig informasjon kan vere semesteravgift, studielån, stipend, leige av hybel, transport i kvardagen, heimreise etc.
Oppgåva er henta frå Rita Borromeo Ferri i «Learning How to Teach Mathematical Modeling in School and Teacher Education», 2018, 48.
Ressursen er utviklet av Matematikksenteret