Kryptofabrikkar
Aktivitet
Ein nyheitsredaksjon fann ut at kryptofabrikkane i Nord-Noreg brukte rundt 440 GWh på eitt år.
Kor stort område trengst dersom vindturbinar skal forsyne kryptofabrikkane med straum?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Mogleg støtte
La elevane få tid til å tenkje sjølv før du kjem med hint.
- Kor mykje straum produserer ein vindturbin?
- Kor stor plass treng ein vindturbin?
- Kor stor avstand må det vere mellom vindturbinane?
Mogleg utviding
Det kan vere formålstenleg å samanlikne straumforbruket til kryptofabrikkar med annan industri, skular, sjukehus og/eller forbruk i hushalda.
Oppgåva kan gi eit godt utgangspunkt for tverrfaglege klasseromsdiskusjonar. Drift av kryptofabrikkar krev store mengder straum, noko som til dømes kan føre til nedbygging av urørt natur.
Ressursen er utviklet av Matematikksenteret