Klopper
Aktivitet
Ein tursti i nærområdet ditt treng nye klopper.
Kor mykje vil det koste?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Mogleg støtte
La elevane få tid til å tenkje sjølv før du kjem med hint.
-
Kor mykje av turstien treng klopper?
-
Korleis skal kloppene sjå ut?
-
Kva slags materiale kan de bruke?
-
Kvar kan de få tak i materiale?
Ta utgangspunkt i ein tursti i nærområdet til elevane. Gå heile stien og vurder behovet for klopper, til dømes der det er vått eller gjørmete. Biletet viser eit døme på korleis klopper kan sjå ut.
Ressursen er utviklet av Matematikksenteret