Akvariefisk
Aktivitet
Noah ønskjer seg akvariefisk. Han har fått lov av foreldra, så lenge han betaler alt sjølv.
Kor mykje vil det koste å kjøpe akvariefisk og nødvendig utstyr?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Mogleg støtte
La elevane få tid til å tenkje sjølv før du kjem med hint.
- Kor stort skal akvariet vere?
- Kor mange fisk skal han ha?
- Kva slags tilbehøyr trengst i akvariet?
- Kor mykje fôr treng fiskane?
- Kva slags utstyr trengst til reinsing av akvariet?
Endre gjerne oppgåva til å handle om eit dyr som elevane er interesserte i.
Ressursen er utviklet av Matematikksenteret