Pappeska
Aktivitet
De skal byte klasserom og har fått ei stor pappeske til å flytte så mykje som mogleg. To elevar skal bere eska etter at ho er fylt opp.
Kor mykje får de plass til i eska?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Mogleg støtte
Oppgåva passar best når de byter klasserom eller ommøblerer. La elevane jobbe i små grupper. Utfordre elevane til å vurdere storleiken på tinga utan at elevane puttar dei oppi eska. Når dei meiner at dei har funne ting som fyller eska heilt, så kan elevane putte tinga i eska.
La elevane få tid til å tenkje sjølv før du kjem med hint.
- Kva slags ting vil de putte i eska?
- Korleis få plass til mest mogleg?
- Kor tung eske kan to elevar løfte?
Ressursen er utviklet av Matematikksenteret