Gigantsteinar på fotballbane

Stikkord: Modellering

Aktivitet

Ein dag i mars rasa steinar ned på ein fotballbane i Vaksdal kommune, og vi kunne lese dette i avisa:

Faksimile fra TV2: Kampesteiner raste ned på fotballbane. Et bilde viser en mann ved siden av en stein som raste ned.

I artikkelen blir det anslått at steinane er ca. 270 tonn. Kan det stemme?

 

Starthjelp

Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.

 

Lærarrettleiing

Kvifor arbeide med denne oppgåva?

På Matematikksenteret.no kan du lese kva modellering er og kvifor elevane bør arbeide med modellering. 

Mogleg tilnærming

I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.

Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.

Mogleg støtte

La elevane få tid til å tenkje sjølv før du kjem med hint.

  • Kor mange steinar er det?
  • Kva må de finne ut om steinane for å berekne kor tunge dei er?
  • Kva form har steinane?
  • Kva er massetettleiken til steinane?

Materialdata om naturstein fra Sintef.

Ressursen er utviklet av Matematikksenteret

9,10