Pippi løftar hesten
Aktivitet
I denne boka om Pippi Langstrømpe av Astrid Lindgren, kan vi lese at Pippi greier å løfte hesten sin.
Kor mange frå klassen din trur de må samarbeide for å kunne løfte hesten til Pippi?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Mogleg støtte
La elevane få tid til å tenkje sjølv før du kjem med hint.
- Kor tung er ein hest?
- Kor mykje greier éin elev i klassen å løfte?
Henta frå Rita B. Ferri, Mathematical Modelling in School and in Teacher Education – Conceptions and Examples, Santiago de Chile, 11 th of January 2013.
Ressursen er utviklet av Matematikksenteret