Sverd i fjell
Aktivitet
Sverda i Hafrsfjord er laga av Fritz Røed til minne om slaget i Hafrsfjord i år 872.
Tenk deg at eit av sverda tilhøyrer eit stort menneske.
Kor høgt kan dette mennesket vere?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Gode rettleiingsspørsmål
Er det noko på biletet de kan bruke til å finne svar på oppgåva?
Mogleg støtte
La elevane få tid til å tenkje sjølv før du kjem med hint.
- Kor høg er mannen på biletet?
- Kor stor del av sverdet står ned i bakken?
Moleg utviding
Kor tungt er eit så stort sverd?
Ressursen er utviklet av Matematikksenteret