Busstopp
Aktivitet
Folk liker å ha busshaldeplass nærast mogleg heimen sin slik at dei kan komme seg raskt til busshaldeplassen. Men når dei sit i bussen, vil dei ha lang avstand mellom busshaldeplassane for då kjem dei raskare fram.
Kva avstand mellom busshaldeplassar langs ei bussrute er optimal?
Starthjelp
Du må sjølv ta eigne val ved å bestemme avgrensingar og gjere antakingar. I nokre oppgåver må du også finne den informasjonen du treng for å kunne løyse oppgåva.
Lærarrettleiing
Kvifor arbeide med denne oppgåva?
På Matematikksenteret.no kan du lese kva modellering er og kvifor elevane bør arbeide med modellering.
Mogleg tilnærming
I arbeid med modelleringsoppgåver er det viktig å halde oppe ein balanse mellom rettleiing frå lærer og sjølvstendig arbeid for elevane.
Læraren må la elevane sjølv bestemme avgrensingar, gjere antakingar og finne den informasjonen dei treng for å kunne løyse oppgåva. Samtidig må læraren kunne gi hint eller stille spørsmål slik at elevane kjem vidare i modelleringsprosessen. På Matematikksenteret.no kan du lese meir om undervisning i modellering.
Mogleg støtte
La elevane få tid til å tenkje sjølv før du kjem med hint.
- Kva storleik har nabolaget?
- Kor lang tid tek det å gå til busshaldeplassen?
- Berekn tid for ombord- og avstigning av bussen.
- Ta lengd på ruta med i betrakning.
- Kor fort køyrar bussen?
- Ta akselerasjon og nedbremsinga til bussen med i betrakning.
Ide henta frå Rita Borromeo Ferri, s.125 i «Learning How to Teach Mathematical Modeling in School and Teacher Education», 2018.
Ressursen er utviklet av Matematikksenteret